//Elaichi

Elaichi

By |2020-02-11T05:58:26+00:00February 11th, 2020|People|
Chalo aaj tumhe ek kahani sunata hu
Elaichi ki dastaan uski zubaani sunata hu
Bikhre daano ki ruhayi sunata hu
Chhilke m band ek sachhai sunata hu
Baat h 2014 ki. Tab m delhi m raha krta tha. October ki sard shaam m chalti halki thandi hawa, aur mera gala kharab. Bass Aisi hi ek shaam ko saamne deewar pe lage tv par aa rha tha masterchef junior aur maa ki nazre thi mujh par jo kone m baith kar unke hi phone par angry birds khel rha tha, kya game thi. Chal tujhe chai banana sikhati hu, ma ne bola. Ek 12 saal ka bachha jise aajtak gas se door rehne ke liye kaha jata tha use ye sunkar bhot excitement hui. Mene fatafat kitchen m jaake doodh, patti, cheeni, paani, pateela nikale aur ma ke aate hi humne chai banana shuru krdiya. Abhi ma mujhe nani wale chai ke nuskhe bata hi rhi thi ke *snaps*, ye to maggi se bhi jaldi bann gyi. Us din khud chai banane ki mujhe itni ITNI khushi thi ki garam garam chai se mene apna muh tak jala liya. Par us chai m vo swaad nhi tha jo ma ke haath ki chai m hua krta tha. Bass vo ek khushboo nhi thi. Shayad mene banayi thi isliye, ya shayad pehli baar thi isliye. Par kam se kam chai banani aayi to sahi, ye sochke m fir game khelne m lagg gya. Agle din eid thi aur ghar m aani thi biryani isliye mera dhyaan sirf aur sirf us par tha na ki chai banana seekhne pe. Intezaar hua khatam aur jese hi biryani ka dabba khula, *inhales* kya khushboo, ohohoho. Mene abhi bass khana shuru hi kiya tha, ke muh ka sara taste hi kharab ho gya, are elaichi jo muh m aa gyi thii. Aur ab mene biryani khane se zyada dhyaan usme se elaichi nikalne pe laga diya tha, chun chun ke. Meri plate m itnisaari elaichi dekh ke ma ne bola, chal tujhe chai banana sikhati hu. Par ma abhi kal to sikhayi thiiiii, mera bilkul mann nhi h, vese hi biryani ka sara maza kharab ho chuka h ab aap aur pareshaan mat kro. Are chal chal aaj doosre tareeke se sikhaungi, bass ye bolke ma ne meri plate uthayi aur kitchen m chali gyi. Jab tak m kitchen m pohocha to ma gas pe paani rakh chuki thi. 1 chammach cheeni, check. dedh chammach patti, check aur 1 elaichi, check. ELAICHI!? Cheeee, elaichi kon daalta h? Shhhhhhh, chup chaap khada reh aur dekh. Ma ne meri biryani ki plate se elaichi uthayi, aurpehle dheere dheere uska chhilka utara, jiske utarte hi andar se jo daane nikle vo thode bikhar se gye, ma ne unhe ikhatta kiya aur theek se pees ke chai m daal diya, thodi der ubaalne ke baad usme vohi khushboo aayi jo m apni banayi chai m dhoondh raha tha. Us khushboo mein m shayad kahin kho gaya tha, 12 saal ka bachha ab bada ho gya tha. Dheere dheere khushboo fir chhatne lagi to duniya ki sachhai jese dikhne lagi. College m baithke us hi chai ki chuski lete hue logo ko dekha to laga ki meri hi bachpan ki tarah vo bhi apni chai, apni zindagi m khushboo to chahte the, bass elaichi daalne se ghabrate the. Biryani se elaichi nikale hi ja rhe the ye sochke ki uska koi kaam nhi h par apni zindagi ki chai m uski zaroorat nhi smjh pa rhe the. Hum sab ki life m koi na koi esa hota hi h jiski importance bhot zyada hoti h par vo kisi doosre ki life m utna matter nhi krta h. People, when open up like a cardamom, their soul falls apart like its beads and when they are grinded they can even make a plain tea-like life, taste beautiful. And when the same people are put in someone else’s life which is already wonderful like a biryani, their presence is not valued. Agar tum kisi ki chai ki mehek badha nhi skte to kisi ki biryani ka swaad bigaadna mat. Aur agar koi tumhe apni biryani se nikaalde to apni ehmiyat bhool jana mat, bass kisi ki chai m ghul jana aur uska swaad badhana.

0

About the Author:

Leave A Comment